سوف تجدون في ذلك القسم جميع الفعاليات القادمة وأرشيف كامل لكافة ورش العمل والفعاليات والتدريبات السابقة والتي تم تنفيذها من خلال صعيدي جيكس

تدريب لينكس قنا – من فاعليات رحلة الاسكندرية اسوان بالعجلة

قنا 12 مايو, 2014


تدريب لينكس ، مجاناً

الحدث الرئيسى من هنا

الدعوة عامة ، اول يوم نقاش غير ديموقراطى وغير بناء حول الاوبن سورس
و الـ 3 ايام التالية هى تدريب على استخدام لينكس وادارة خوادمه

كلنا طول الوقت محددين اهدافنا، عارفين احنا عايزين ايه، مابنضيعش وقت، معظمنا عنده اختراعات كتير متسجله باسمه، ولاول مرة فى حياتنا عندنا فرصة عظيمة نضيع من وقتنا 4 ايام فى تدريب عبثى مالهوش اى فايدة، ولا معلومة واحدة مفيدة فيه، ولا معلومة صح، كله هرطقة، اللى مش مستعد يضيع 4 ايام من حياته فى كلام فاضى لو سمحت خليك عندك كمل اكتشافاتك العلمية وسيبنا نعك 🙂


طريقه جديده فى التفكير فى التعليم فى الشغل
التدريب مش للناس اللى عايزة شهادات قد ما هو للناس اللى عايزة العلم والخبرة

مافيش منهج ، مافيش ماتريال ، ومافيش انستركتور ، مش هانحط ترابيزة ولاب الانستركتور ، هافتح لابى ونعد نفكر سوى وكل واحد فينا هايطلع يعبر عن نفسة سواء على البورد لو عايز يشرحلنا حاجة او على اللاب اللى متوصل بالداتا شو ، لما حد يسالنى على حاجة مش هاجاوب بس هاقوده للاجابة ومنها الى معلومات جديده

الحاجة الوحيد الاكيدة ان بعد التدريب ، لو اتطلب منك سرفر او تاسكاية معينة حتى لو عمرك ما سمعت عنها قبل كده ، بعون الله هاتعرف تنجزها فى اسرع وقت ممكن

هو ده مش كورس بالمعنى التقليدى ، يعنى مافيش جهاز بيتم الشرح عليه ، ده اشبه ما يكون بإنى جايب 50 واحد عشان ادربهم يشتغلوا فى التيم فى شركة مثلا ، فـ كله بيشتغل عل جهازه وكله بيشرح وكله بيسال وكله بيفكر بصوت عالى .

التدريب بيتم فيه نشر فلسفة البرمجيات مفتوحة المصدر
واللى بيتم التدريب فيه بشكل غير مباشر على اعادة النظر فى العادات والتقاليد العقيمة ، التفكير ، التحليل ، البحث عن معلومات ، الصبر ، التحدى ، تغيير مفاهيم كتير عن التعليم وعن حاجات كتير فى حياتنا ويومنا العادى ، وحاجات تانية كتير

ممكن تعرفوا أكتر عن التدريب من إيفنت التدريبات اللى فاتت فى
– القاهرة : من هنا
– او من تدريب المنصورة : من هنا
– او من تدريب المنصورة التانى : من هنا
– او من تدريب اسكندرية : من هنا
– او من تدريب القاهرة التانى : من هنا

و اللى بيتم فيهم تشبيك الناس المهتمة ببعض ، واتعمل خلاههم
Open IT Cairo
Open IT Mansoura
Open IT Alexandria
Open IT Benha
واللى اقدر اتحدى بالناس اللى بتخرج منهم اى حد متعلم بالطرق العقيمة للتعليم فى الوطن العربى